Hat ragihandin ji bo mitînga Serokomarê Tirkîyeyê Receb Tayyîb Erdoganî ya li navenda Colemêrgê bihata kirin, gelek xwendekar, karmend, leşker û cerdevanan veguhastine qada mitîngê.
Li alîyekî din, li gelek deverên bajêr, tora înternetê û telefonan hatine birrîn.
Bi dehan otobosên bi plakayên Elezîz, Wan, Erzurom, Agirî û Mûşê, hatine veguhastin û xwendekar jî bo qada mitîngê hatine birêkirin, li Geverê jî bi awayekî nefermî û neyasayî dibistan betlane kirine û minîbûsên gundan ên perwerdehîya veguhêzkar jî ji bo cerdevanan hatine terxankirin û mamosteyên wan gundan jî mecbûr kirine beşdarî mitînga Erdoganî bibin, ji ber vê jî dibistan bê mamoste mane.
Li al'iyekî din peyamek ji karkerên Îş Kurrê re hatiye şandin û hatiye gotin ku beşdarbûna mitîngê li wan mecbûrî ye.