Navenda Nûçeyan - Nûnerê Taybet ê Amerîkayê bo Karûbarên Sûrîyeyê James Jeffrey li Waşintonê ligel revenda Sûrî civîya û di civînê de ragihand, ku êdî Beşar Esed nikare Sûrîyê birêve bibe.
James Jeffrey anî ziman ku Esed ji alîyî aborî jî derbasî kirîzeke mezin bûye û niha nikare pareyan spî bike, lewma eger gelê wî jêre girîng e, divê daxwaza Amerîkayê erê bike.
Jeffrey dîyar kir ku ew dixwazin bi rêya proseyeke sîyasî rêjîma niha ya Sûrîyê biguherin û got, niha Iran û Rûsya jî nikarin alîkarîya Esed bikin ji ber ku yasaya Qeyser bi temamî rê li ber wan digire û dê Esed ji alîyê aborî ve bi temamî were dorpêçkirin.
Yasaya Qeyser ya cezakirina Hikûmeta Sûrîyê, dê 17ê vê mehê were bicîkirin û li gor wê yasyê nabe ti welat û kompanî û kesayetî danûstandinê bi hikûmeta Sûrîyê re bikin.