Navenda Nûçeyan - Pîştî bi dawî buna rêkevtina 11 adara 1970 ê ji alîyê rejîma Beis a Iraqê ve, şoreşa gelê Kurdistanê, ku Mela Mistefa Barzanî serokatîya wê dikir, biryara zankoya Silêmanîyê veguhezin bajarê Qeladzê ya li ser sînorê Kurdistana başûr û rojhilat hatibu dayîn.
Roja 24ê Nîsana 1974ê balefirên şer û artêşa rejîma Beis a Iraqê, bi çekên fosfor û bombeyên napalmê, mamoste, xwandevanên zankoyê, gel û Pêşmerge li Qeladizê bombebarin kirin û di encamê de 163 mamoste, xwandevan, hemwelatî û Pêşmerge şehîd ketin û zêdetir ji 250 kesî jî birîndar bun.
Piştî raperîna gelê Kurdistanê li bihara 1991ê û damezrandina parlamento û hikûmeta herêma Kurdistanê ve, parlamentoyê biryar da roja 24ê Nîsanê wek roja şehîdên zankoyê bê pênasekirin û her sal ew şehîdên Qeladizê bên bibîranîn.