Navenda Nûçeyan - Di encama wî tewanî de 5 hezar kesan jîyana xwe ji dest dan û zêdetirî 10 hezar kesan jî birîndar bûn. Herwaha heta naha jî piranîya xelkê Helebçê ji ber hebûna şop û bermayên wê kîmyabaranê dinalin û heta naha jî şûnên çekên kîmyayî li ser hejmarek birîndarên wê demê mane û heta naha jî hin zarokên ku wê demê winda bûne hîn nehatine dîtin.
Lijneya bilind a kîmyabarana Helebçê bi boneya belavbûna vîrusa korona, li ser bingehê pêbendbûna bi biryar û rênmayîyên hikûmeta herêma Kurdistanê, îsal hemû bone û bibîranînên taybet ên derbarê qurbanîyên karesata Helebçê de ragirt. Tenê tacegul dê li ser monomenta şehîdan bê danîn.
Karesata kîmyabarana Helebçê sala 2010ê li parlamentoya Iraqê û dadgeha bilind a tewanên Iraqê wek jenosoid hate nas kirin.
Wêneyê Omer Xawe ku zarokê wî yê sawa di himbêza wî de ye bû sembola Helebçê û li hemû cîhanê dengveda.