Navenda Nûçeyan- Endamê kutleya hevpeymanîya Fetih (Hevpeymanîya Heşdî Şeibî) Kerîm Lêwî, ku endamê lijneya asayiş û berevanîyê ye li Parlamentoya Iraqê, ji rojnameya Wall Street Journal a Amerîkî re ragehand: ‘’Amerîkîyan em bêhêvî kirine li bihêz kirina sîstema berevanîya Iraqê.’’
Kerîm Lêwî ragehand, welatê wan dixwaze sîstema dijî mûşekîya S-400 a Rûsî bikire, bo bihêz kirina sîstema berevanîya xwe û bo wê jî sê meh berî naha şandeyekî Iraqê serdana Rûsyayê kirîye.
Parlamenterê Iraqê got, ji ber pêşhateyên nû û biryara derxistina hêzên bîyanî ji Iraqê, Parlamentoyê rê daye serokwezîrê nû yê Iraqê ku sîstema Rûsî bikire.
Parlamentoya Iraqê roja 05.01.2020ê ji ber kuştina Qasim Silêmanî û Ebu Mehdî Muhendîs bê amadebûna nûnerên kurd û sunne biryara derxistina hêzên bîyanî ji Iraqê pejirand.
Basnews