Navenda Nûçeyan- Îlham Ehmed amaje bi danûstandinên MSD û Rêveberîya Xweser bi hikûmeta Sûrîyê re kir û got, niha ti danûstandin bi hikûmeta Şamê re nîne, lê dibe di dema bê de danûstandin werin kirin. Wê rayedara MSDê tekez kir, ew ji bo danûstaninan amade ne.
Îlham Ehmed herwiha eşkere kir, ku niha lihevkirineke leşkerî di navbera Rêveberîya Xweser û hikûmeta Sûrîyê de heye û bi gotina wê, ew lihevkirin derbarê belavbûna hêzên artêşa Sûrîyê li ser sînorê bi Tirkîyê re ye.
Wê ew yek jî red kir, ku ti danûstanin an lihevkirinek sîyasî bi Şamê re hatibe kirin.
Seroka Desteya Cîbîcîkar a MSDê destnîşan kir, Tirkîye ne tenê xeterê li ser Rojavayê Kurdistanê û Sûrîyê çê dike, lê belê Tirkîyê niha berê xwe daye Lîbyayê jî û dîyar kir, Tirkîye ji bo hemû welatên herêmê xeter e.
Rûdaw