Hunermendê Kurd ê Rojavayê Kurdistanê Selah Resûl duhî li nexweşxaneyeke Almanyayê koça dawiyê kir.
Hunermendê Kurd Selah Resûl duhî piştî nîvro, li nexweşxaneyeke bajarê Essen a Almanyayê, piştî mana rojan li nexweşxaneyê, di temenê 69 saliyê de koça dawiyê kir.
Selah Resûl yek ji hunermendên navdar ên Rojavayê Kurdistanê ye û ji salên heftêyî yên sedsala borî ve dest bi karê hunerê kiribû û wek hunermendê şahiyan yê herî navdar dihat hejmartin.
Hunermend Selah Resûl sala 1952an li Qamişlo ji dayik bûbû û ji salên nodî yên sedsala borî ve koçberî Almanyayê bûbû.
Hunermend Selah Resûl pirtûkxaneya hunerî ya kurdî, bi gelek stran û awazên xwe dewlemend kir û nêzîkî 45 kasetan weşandibû.