Navenda Nûçeyan - Li gor çavkanîyên xwecihî, şeva bihorî, hêzên HSDê bi piştevanîya balafirên şer ên Hevpeymanîya Navdewletî avêtine ser gundê el-Xirêbe el-Şerqîye li nêzîk bajarokê el-Sûr li bakurê Dêre Zorê.
Li gor heman çavkanîyan, operasyona hêzên HSDê li dijî şaneyên raketî yên DAIŞê li wê navçeyê bûye û heta derengîya şeva bihorî berdewam bûye.
Li gor çavkanîyên xwecihî, çalakîyên Rêxistina DAIŞê li wan navçeyan zêde bûne, lewma hêzên HSDê operasyonan li dijî şane û endamên DAIŞê encam dide.