Navenda Nûçeyan- Rêvebera giştî ya mafê mirovan li desteya serbixwe ya mafê mirov li herêma Kurdistanê Tavge Omer ji basnewsê re ragehand, encûmena wezîrên herêma Kurdistanê bi biryara 29 a sala 2019ê ve peyrewa ku zarokên sêwî ji malbatên bê zarok re bên dayîn û li gor pejirandinên yasayî û razîbûna sazîyên fermî ew biryar pejirand.
Tavge Omer ragehand, li gor heman biryarê dive wezareta karûbarên civakî, çaksazî di malên hikûmetê yên xwedî kirin û çavdêrîya zarokan de bike û pêwîstîyên wan dabîn bike.
Tavge Omer ew biryara encûmena wezîran bi pêngavekî giring ji alîyê perwerdeya psîkolojî û bedenî ya wan zarokan de pênase kir, ku bi her çi sedemekî be malbata xwe ji dest dane.