Navenda Nûçeyan- Hêzên Polîsa Serbazî yên Rûsyayê li pêgeha gundê Til Semin ê li parêzgeha Reqayê bicih bûn, ku berê ew pêgeheke hêzên Amerîkî bû.
Li gor hatîye belavkirin, gundê Til Semin xwedî cihekî stratejîk e, ku bajarê Reqayê bi bakurê Sûrîyê ve girê dide.
Medyaya Rûsî dîyar kir, ji bo gerentîya ewlehîya welatîyan, Polîsa Serbazî ya Rûsî li wê binkeyê bicih bûye û dê jê ve dest bi gerên çavdêrîyê jî bike.
Ji alîyê xwe ve Hikûmeta Sûrîyê ragihand, dema ew binke di destê hêzên Amerîkî de bû, çekdaran di wê rîyê re çek vediguhastin.
Çekdarên DAIŞê di sala 2013an de bajarê Reqayê kontrol kiribû û ew kirin paytexta xîlafeta DAIŞê, di sala 2017an de jî Hêzên Sûrîyeya Demokratîk (HSD) bi piştevanîya Hevpeymanîya Navdewletî ya bi serokatîya Amerîka, bajarê Reqayê kontrol kiribû.
K24