Navenda Nûçeyan - Şêwirmendê leşkerî yê wezareta Pêşmerge Bextîyar Mihemed Sidîq ji BasNewsê re ragehand, ‘’Paşmayên çekdarên rêxistina terorîst a DAIŞê li derdora zincîre çîyayên Hemrîn û Qeretepe mijûlê xwe rêxistin kirinê ne. Li gor zanyarîyên heyî hejmara wan zêde bûye li navçeyê û zêdebûna êrîşên wan bo ser hêzên Pêşmerge û artêşa Iraqê jî vê rastîyê îspat dike.’’
Herwaha got: ‘’Sedemên serekî yê bihêzbûna DAIŞê li piranîya navçeyan, hebûna valatîya ewlehîyê ye di navbera hêzên Pêşmerge û artêşa Iraqê. Herwaha nebûna hemahengîya pêwîste. Ji ber wê heta ew valatî hebe, DAIŞ li wan navçeyan dê bimîne û bihêztir jî dibe.’’
Şêwirmendê wezareta Pêşmerge got, ‘’Naha DAIŞ mijûlê anîna hejmarek zêde ya çekdarane li Sûrîyê ve. Ev jî ji ber nebûna çavdêrî û kontrolên temam ji alîyê artêşa Iraqê ve ye. Ji bo wê eger hemahengîya temam nebe di navber hêzên Pêşmerge û artêşa Iraqê de jîngeyek baştir bo pêşketina DAIŞê ava dibe.’’