Navenda Nûçeyan- Hêzên Amerîkayê ji Rojavayê Kurdistanê ve ber bi Başûrê Kurdistanê ve vekişîyan û îro yekemîn karwana hêzên Amerîkayê derbasî nav axa Başûrê Kurdistanê bû.

Piştî ku Serokê Amerîkayê, Donald Trump biryara vekişîna hêzên wî welatî ji Rojavayê Kurdistanê û Bakurê Sûrîyê da, ji çend rojên bihorî ve vekişîna hêzên Amerîkayê ji Rojavayê Kurdistanê ve dest pê kirîye.

Hêzên Amerîkayê ku duh ji Til Temirê dest bi vekişînê kiribûn, duh şev ber bi sînorê Başûrê Kurdistanê ve birêketin.

Amerîkayê ragihandiye, ew dê hêzên xwe yên li Rojavayê Kurdistanê û bakurê Sûrîyê, li rojavayê Iraqê bicih bikin.