Berpirsê Dezgeha Hilbijartinan a Partiya Demokrat a Kurdistanê (PDK) Xesro Goran ragihand, ew ji bo hilbijartina Encûmena Parêzgeha Kerkûkê ligel yek lîstê ne û kar jî bo paşxistina hilbijartinan dikin.
15 partî û aliyên Kurdî biryar dane ku bi yek lîstê beşdarî hilbijartina Encûmena Parêzgeha Kerkûkê bibin, di nava wan partiyan de jî PDK û YNKê hene, wek du partiyên xwedî pêgeheke bihêz û camewerekî berfireh li bajêr.
Biryar e jî ew her du rêbertiya lîstê bikin, ev jî di rewşa ku hilbijartin dereng nekeve, ji ber ku niha rewşa Kerkûkê ne asayî û hin hêzên siyasî daxwaza derengxistina dema dengdanê dikin.
Berpirsên PDKê KAR ji bo derengxistina hilbijartinê dikin, asayîkirina rewşa Kerkûkê bûye mercê PDKê ji bo beşdarî hilbijartina Encûmena Parêzgeha Kerkûkê bibe.
Berpirsê Dezgeha Hilbijartinan a PDKê Xesro Goran di wê derbarê de ragihand, Kerkûk bajarekî dagîrkirî ye û rewşa wê nehatiye asayîkirin, dengdar nikarin bi azadî dengên xwe bikar bînin. Herwiha PDKê jî nikare bangeşeya hilbijartinan bike, ji ber baregehên wê dagîrkirî ne.
Parlemana Iraqê biryar daye di meha Nîsana 2020an de li tevahiya bajarên Iraqê û parêzgeha Kerkûkê jî hilbijartina Encûmena Parêzgehan birêve biçe.