Navenda Nûçeyan - Wezareta Tendirustîya Herêma Kurdistanê, ragihand ku di encama pişkinînan de, 11 tûşbûyên din ên bi vayrusa Koronaya nû, COVID-19, hatine destnîşankirin ku 6 zilam, 2 jin û 3 jî zarok in.
Li gor daxuyanîya Wezareta Tendirustîyê, 8 kes ji wan tûşbûyan, li parêzgeha Silêmanîyê hatine tomarkirin ku yek ji wan li navçeya Derbendîxan e.
Her li gor daxuyanîya hatîye belavkirin, 3 zarok li parêzgeha Helebçeyê tûşî koronayê bûne.
Ligor amarên Wezareta Tendirustîya Herêma Herêma Kurdistanê, 201 kes tûşî vayrusa Koronayê bûne, ji wê hejmarê jî 61 kes baş bûne û 2 kesan jî koça dawî kirîye.