Navenda Nûçeyan- Parlamenterê Iraqê Ednan Zerfî ji Sumerîya ragihand, sîstema parlamenterî li welatan serkeftî ye, lê ‘’Me ezmûna parlamentoyê li Iraqê têkda.’’
Ednan Zerfî got, ji ber yek ji daxwazên xwepêşanderan bûye, sererast kirina destûra mayînde ya Iraqê, dê helbijartinên encûmena parêzgehan jî bên hilweşandin.
Wî parlamenterî amaje bi giran û zehmetîya sererast kirina destûrê bi temamî kir û ragihand: ‘’Tenê beşek ji madeyên destûrê dê bên nûjen kirin û sererast kirin.’’
Destûra Iraqê di sala 2005ê ji alîyê piranîya hemwelatîyên Iraqê û herêma Kurdistanê ve hat pejirandin û li gor destûrê jî yekparçeyî mana axa Iraqê girêdayîye bi bicîhanîna madeyên wê destûrê ve.
Çavkanî: Basnews