Hakan Fidan li Enqerê bi şandeya Hamasê re civiya

Wezîrê Derve yê Tirkiyê Hakan Fidan li Enqerê bi şandeyeke bi serokatiya Serokê Konseya Şûraya Hamasê Muhammed Dervîş re civiya. Di civînê de rewşa mirovî ya li Xezzeyê û pêşketinên dawî yên di danûstandinên agirbestê de hatin nîqaşkirin.

Wezîrê Derve yê Tirkiyê Hakan Fidan li Enqerê bi şandeyeke Hamasê re civiya.

Di civîna xwe ya bi şandeya bi serokatiya Serokê Konseya Şûraya Hamasê Muhammed Dervîş de, Hakan Fidan tekez kir ku pêşîniya Tirkiyeyê rawestandina komkujiya li Xezzeyê û parastina bi biryar a doza Filistînê ye.

Fidan tekez kir ku Filistîn bi Xezzeyê, Şerîaya Rojava û Orşelîma Rojhilat re yekpare ye û diyar kir ku Tirkiye wê heta ku Filistîn azad bibe, bi tundî parastina doza Filistînê bike û piştgirîya wê bike.