Navenda Nûçeyan- Navenda rawestana YNKê – Nawk, ku grubekî nû nav YNKê de hatîye ava kirine û dibe ku ji alîyê baskekî YNKê ve piştevanî lê tê kirin, bi daxuyanîyeke serenava ‘’Dijî sepandina her kesekî ne bo rêveberîyê û nabe sextekarîya demokrasîyê bê kirin’’ de amaje bi wê yekê hat kirin ku; ‘’Kongre pêwîst bû biba cîhê hêvîyên hemû YNKyîyan. Lê mixabin, sextekarîyê ve, giranî û rewabûna kongrê lewaz bûye.’’
Herwaha çend xalên binpêkirinê belav kirin ku yekem de ragehandin, piranîya malbendên rêxistin û mekteban de xelkê bi helbijartin bo kongrê hatîye dîyar kirin. lê li her cîhekî ji alîyê hin kesên destê wan diçe ve, hin kes bê ku payeyekî wan a partîyê hebe, bûn endamên kongre. Vê jî hewsengîyên hêz guhert.
Xaleke din de jî tê gotin: ‘’Lîste û lîsteçîtî ya bi wî awayî aşkera tê kirin, bi hemû awayekî em red dikin. Ji ber li gor me lêdana demokrasîyê û kesên serbixwe yên nav partîyê nikarin derkevin pêş û tenê ewên di lîsteyên wan de dê serbikevin. Bi heman awayî em wisa dibînin ku belav kirina pare û dîyarîyên giranbaha ji samanê giştî bo kirîna dengan, karekî ne guncaw e û dijî bingehên demokrasîyê ye û YNKê ye.’’
Di xala sêyem de jî tê gotin: ‘’Serxistin û sepandina çend kesekan bo zor û zordarî û dijî îradeya hemû endamên kongreyê bo rêveberîya partîyê, reftarekî nayê xwestin e û nabe wisa bi asanî ev tişt bê derbas kirin li ser YNKyîyan de. Pêwîste ew prose ku guman tê de hene bê dubare kirin û bi awayekî demokratîk, azadane û bi helbijartinê ve birêve biçe.’’
Basnews