Parlamentarê HDPê yê Kocaeliyê Omer Faruk Gergerlîoglu ku hefteya borî parlamenteriya wî hatibû xistin û li parlemtoyê dest bi Nobeta Edaletê kiribû, îro danê sibehê bi zora polîsan hat binçavkirin.
Hat ragihandin ku Gergerlîoglu hatiye berdan, lê di girtenameya binçavkirinê de binçavkirina wî ya bi zoraz polîsan nehatiye tomarkirin.
Gergerlîoglu ku ji ber parvekirina twîteke nûçeyê ceza lê hatiye sepandin û parlementeriya wî bi wê hincetê hatiye xistin, dema dixwest diçû destmêjê vê sibehê li nav eywana parlementoyê bi zora polîsan hat binçavkirin.
Piştî wergirtina îfadeya dozgeriyê ya Gergerlîoglu hat berdan ku nehiştibûn nimêj bike û cilên xwe biguherîne.
Hat diyarkirin ku Gergerlîoglu bi îdiaya di parlementoyê de, propagandaya terorê kiriye, hatiye binçavkirin û îfadeya wî hatiye standin.
Hat zanîn ji ber ku dozgeriyê di girtenameyê de anîna bi zorê ya îfadeyê nenivîsandine, parêzerên Gergerlîoglu bi nivîskî şerh danîne ser îfadeya wî.