Navenda Nûçeyan - Fermandarîya Operasyonên Hevbeş di daxuyanîyekê de îro ragehand, demjimêr 01:00ê şeva borî balefirên şer ên Amerîkayê êrîş kirin ser artêşa Iraqê, Komandoyên Firqe ya 19 û binkeyê Heşda Şeibî û Fewca polîsên Babil li parêzgeha Babil ( li Cerfilnesir, Siêdat, behbehanî, sazîya Eşter û firokexane ya Kerbela ewa niha dihêt duristkirin li ser rê ya di navbera Kerbela û Necef).
Fermandarîya operasyonên hevbeş ragehand, ku ew êriş bûye sedema kuştina 3 serbazên komando û birîndarbûna 4ên din. Firqeya 19 ya artêşa Iraqê û dû ji wan rewşa tenduristîya wan girane. Herweha 2 polîên Babîlê hatine kuştin û 2 polîsên din jî birîndar bûne. Amaje bi wê yekê jî kir hêj termên wan li bin avahîyên ketî de mane.
Herweha 5 çekdarên Heşda Şeibî jî birîndar bûne û karkerekê sivîl jî li firokexneya Kerbela hatîye kuştin û yek jî birîndar bûye. Herwaha gelek zîyanên madî jî çêbûne û gelek avahî hilweşîyane û ew çek û teqemenîyên wan jî ji nav çûye.
Heman daxuyanîyê de hatîye ragehandin, em vê êrişê bi tundî şermezar dikîn û binpêkirina hevbeşîyê û hevpeymanîyê ye di navbera hêzên Iraqê û alîyên êriş encam dane de.
Herweha hatîye gotin: Ev hêrişên Amerîkayê bi binpêkirina serwerîya Iraqê ne û wek bersivek bo êrişa ser Tacî hatîye, lê ev nabe çareser û bi berevajî ve dibe sedema zêde xirabûna rewşê û hemû alîyan jî dixe metirsîyê de.
Di dawîyê de hatîye gotin, ev destdirêjîye, ti hevalbend û rêzgirgrtin bo serwerî ya Iraqê û selametîya ax, esman û hemwelatîyên wî têde nîne û derencamên wê bo hemû alîyan metirsîdar dibe; heger neyête kontrolkirin û hemû alî rêz li îrade û sîyasetên dewleta Iraqê negirin.
Basnews