Navenda Nûçeyan- Berdevkê fermandarîya giştî ya hêzên çekdarên Iraqê Ebdulkerîm Xelef ji çapemanîya welatê xwe re ragehand, hêzên ewlehîyê berpirsin ji parastina xwepêşanderan, lê rê nadin ku xwepêşander rêyan dabixin.
Ebdulkerîm Xelef ragehand, encûmena asayîşa niştimanîya Iraqê fermana girtina wan xwepêşanderan ji hêzên ewlehîyê re daye ku bi şewitandina lastîk û bi sedemên din ve rê dadixin bigrin.
Îro roja dawî bû ku xwepêşanderan molet dabûn ku kesek bo serokê hikûmetê bê dîyar kirin, ji ber ti kesek jî nehatîye dîyar kirin xwepêşanderan bi berfirehî li piranîya navçeyên Iraqê dest bi xwepêşandanan kirin û bi dehan xwepêşander hatin kuştin û birîndar bûn.
Basnews