Navenda Nûçeyan - Sekreterê polîtburoya PDKê Fazil Mîranî îro di civîneka rojnamevanî de ragihand, şandeka partîyên sîyasî yên Kurdistanê çûye Bexdayê û li ser kabîneya nû ya hikûmeta Iraqê bi alîyên sunnî û şîe re hevdîtin kirîye.
Fazil Mîranî her wiha got, me wek PDKê gelekî hewl daye ku derz nekeve nav alîyên Kurdistanî, lê nabe kesekî din li Bexdayê wezîrên kurd destnîşan bike. Divê em navên wan kesên ku dikarin bibin wezîr, bidin wan û ji wan re bêjin ev wezîrên kurd in.
Wî berpirsê PDKê da zanîn, helbet PDK behsa pişka xwe di hikûmetê de nake lê divê kurd bi xwe wezîrên xwe destnîşan bikin.