Navenda Nûçeyan - Serkomarê Tirkîyê û serokê giştî yê AKPê, Recep Tayyîp Erdogan duhî qanûna nû ya girtîyan û lêborîna giştî ya ku ji ber belavbûna vîrusa Koronayê ç ji alîyê parlementoya wî welatî ve hatîye derxistin, pesend kir.
Piştî pesendkirina qanûnê ji alîyê Erdogan ve, berdana girtîyan li girtîgehên Stenbolê, Enqere û Semsûrê dest pê kir.
Wezareta dadê ya Tirkîyê jî ragihand, di çarçoveya wê qanûnê û lêborînê de 45 hezar girtî ber efûyê dikevin û tên berdan û 45 hezar girtî jî ji ber Koronayê diçin îznê. Eger rewş xirabtir bibe dê îzna wan were dirêjkirin.
Qanûna nû ya girtîyan û lêborîna giştî, girtîyên sîyasî venagire. Ji ber wê jî beşek mezin ji girtîyên kurd bi taybet parlementer, berpirs, endam û alîgirên HDPê nayên berdan.