Navenda Nûçeyan- Mismarî di pêşkeşîya xwe ya Erebî û Îngilîzî de, Tirkîye bi tundî tawanbar kir ku bi rêya sazî, artêş û milîsên kirêkirî destwerdana Libyayê dike.
Mismarî got, “Rêxistina IHH ya alîkarîyan a paravana MÎTê (Sazîya Îstixbarata Tirkîyê) yek ji wan sazîyên sereke ye ku piştgirîya cîhadîyan a çekan û pizîşkî dike.”
Mismarî da xuyakirin ku Tirkîye bi rêyên qaçax ên deryayî di şandina ‘terorîstên Sûrîyê bo Libyayê’ de berdewam e.
Berdevkê ANLê herwiha got, “Erdogan ji bo qetilkirina Kurdan û tunekirina bajarên wan û aborîya wan piştgirî da DAIŞê û rêxistinên din ên terorî. Tirkîye ji bo hemû endamên DAIŞê û El Qaîdeyê bû baregeha terorê. Loma jî ti caran bi ser Tirkîyê de, aştî nayê Libyayê.”
Mismarî, herwiha bal kişand ser bazara li ser penaberên Sûrîyê ya hikûmeta Tirkîyê û belavbûna terorîstên DAIŞê li nav Ewropayê û got, Erdogan berpirsê belavkirina terorê li Ewropayê ye.