Navenda Nûçeyan- Li gorî agahîyên Rûdawê, doh Yekşemê şandeke Konseya Serokatîya ENKSê li Rojavayê Kurdistanê bi Fermandarê Giştî yê HSDê, General Mazlûm Kobanî re hevdîtin pêk anîye.
Endamê Desteya Serokayetîya ENKSê Tahir Hesaf ji Rûdawê re ragihand, ku civîna wan bi Mazlûm Kobanî re erênî bûye û têde li ser helwên nêzîkkirin û lihevkirina alîyên siyasî yên Rojavayê Kurdistanê axivîne.
Hesaf ji Rûdawê re got, ku serokayetîya ENKSê têbînîyên xwe pêşkêşî Mazlûm Kobanî kirin ji bo ku PYD, Rêveberîya Xweser û ENKS lihev bikin.
Berî çend rojan jî Serokê Herêma Kurdistanê Nêçîrvan Barzanî gotibû, ji ber rewşa niha ya Rojavayê Kurdistanê, ew bi berdewamî ligel General Mezlûm Kobanî di pêwnedîyê de ye û çend caran bi hev re civîyane û ji PYD û ENKS xwestibû ku lihev bikin.
Çavkanî: Rûdaw