Navenda Nûçeyan - Arzû Çerkezoglû, Seroka Konfederasyona Sendîkayên Karkerên Şoreşger (DÎSK) jî tê de 25 kes li ber avahîya Navenda Giştî ya DÎSKê ya li Şîşlîyê hatine desteserkirin. Rêveber û endamên DÎSKê ji bo pîrozbahîya 1ê Gulanê, Roja Karkerên Cîhanî xwestine biçin Qada Taksîmê.
Hin kesên ku hatine desteserkirin ev in: Sekreterê Giştî Adnan Serdaroğlu, Serokê Giştî yê Enerjî Senê Süleyman Keskin, Serokê Giştî yê Gida Îşê Seyit Aslan, Sekreterê Giştî yê Dev Saglik Îşê Erdoğan Demir.
DÎSKê midaxeleya polîsan û desteserkirin bi gotina “Di 1ê Gulanê de êrîşî karkeran dikin. Polîsan li ber Avahîya Giştî ya DÎSKê êrîşî rêveberên DÎSKê û sendîkayên bi wê ve girêdayî kirîye” ragihandîye.
Arzû Çerkezoglû jî li ser hesabê xwe yê medyaya civakî gotîye, “Em hatin desteserkirin. Îro li çar hawirdorên Tirkîyeyê hevalên karker dixebitin û ew sîstema civakî xera nabe, lê pîrozbahîya 1ê Gulanê dikare sîstema civakî xera bike.”
Bianet