Navenda Nûçeyan- Di sal bi ser êrişa Tirkîyê û çekdarên opozisyona Sûrî yên girê dayî Enqerê bo ser herêma Efrînê derbas bûn. Encûmena Sûrîya Demokratîk di salvegera duyemîn a êrişên Tirkîyê li ser herêma Efrînê de daxuyanîyek belav kir Rojavayê Kurdistanê de û têde dibêje ku talankirina malên welatîyan û hewldanên guhertina demografîya herêmê berdewam in.
Encûmena Sûrîya Demokratîk di daxuyanîyê de bibîr xist ku Efrîn li herêmê herêma herî ewle bû û berîya êrişa Tirkîyê bi hezaran koçber li wê herêmê hatibûn bicihkirin, lê piştî êrişên dewleta Tirkîyê bûye herêma herî zêde tundî, şer û talankirinê.
Di daxuyanîya MSDê de wiha hate gotin: “Em bang li civaka navdewletî, Meclisa Ewlehîyê, rêxistinên mafên mirovan, dewletên Koalîsyonê û Rûsyayê dikin ku dagirkerîya Tirkîyê li Efrînê bi dawî bikin û şênîyên ku bi darê zorê neçarî koçberîyê bûne, li warê wan vegerînin.”
Di beşeke din a daxuyanîya xwe de wiha ji bo rizgarkirina Efrînê dike: “Em bang li gelê xwe yê Sûrîyê dikin ku bi yekdestî û bi hevgirtinê şerê rizgarkirina xaka ku ji alîyê dewleta Tirk a dagirker ve hatîye dagirkirin û di serî de Efrîna berxwedêr, ragihîne. Em soz didin gelê xwe yê Efrînê ku em ê têkoşîna xwe ya sîyasî di civaka navneteweyî de dewam bikin.”