Serokê EncûmenaHevkarîya Kendava Erebî Nayîf Hecref bi beyanameyekî gef xwarinên serokkomarê Îranê Hesen Ruhanî şermezar kir û ew gef xwarin wek metirsî li ser asayîş û seqamgirîya Kendava Ereb pênase kirin.
Roja 15.08.2020ê Hesen Ruhanî ragehand, rêkeftina Îmarat û Îsraîlê xîyanete li Filîstînê, ereb, musliman û Qudisê û hişyarîyeke tund da rêveberên Îmaratê û got: ‘’Eger rê ji Îsraîlê re bê dayîn gava xwe bavêje Kendavê, wê demê de reftarên me û helwêstê me cuda be.’’
EncûmenaHevkarîya Kendavê rêxistineke herêmî ya sîyasî, leşkerî û ewlehîya welatên erebên Kendava Erebî ye û sala 1981ê bi destpêşxerîya mîrê berê yê Kuwêtê Cabir Ehmed Subahî hat ava kirin. Siûdîye, Umman, Îmarat, Kuwêt, Qeter û Behrên endamên wê ne.