Navenda Nûçeyan - Serokkomarê Iraqê Berhem Salih duh Parêzgarê berê yê Necefê Ednan El Zurfî ji bo pêkanîna Hikûmeta Iraqê erkdar kiribû.
Ednan El Zurfî di peyama xwe de ragihand, erkdar kirina wî bo peywira Serokwezîrtîya Iraqê, berpirsatîyeke dîrokî ye û ew hemû karînên xwe dê bixe xizmeta gelê Iraqê.
Ragihand jî ew dixwaze hikûmetekê bi beşdarîya hemû pêkhateyan û dûrî pişkepişkîneya partîtî pêk bîne.
El Zurfî dîyar dike, ew bi ti awayekî qebûl nake alîyên sîyasî namzedên partîyan li ser wî bisepînin.
Ednan El Zurfî tekez dike, ew pirsgirêkan bi Herêma Kurdistanê re çareser dikin û hevkarîya Pêşmerge dike.
Herwaha sozê jî dide, dê lêkolînê di pirsa kuştina xwepêşanderan de jî bike.