Serokê Sûriyeyê Ehmed Şera li Şamê pêşwazî li Komîserê Bilind ê Penaberan ê Neteweyên Yekgirtî Berhem Salih kir. Di hevdîtinê de mijara sereke vegera penaberan û projeyên başbûna zû bûn.
Serokê Sûriyeyê Ehmed Şera, duh 10ê Tebaxê li Koşka Gel a li paytext Şamê, pêşwazî li Komîserê Bilind ê Neteweyên Yekgirtî ji bo Karûbarên Penaberan (UNHCR) Berhem Salih û şandeya pê re kir. Di hevdîtinê de Wezîrê Derve û Koçberan ê Sûriyeyê Es’ed El-Şeybanî jî amade bû.
Di vê hevdîtina fermî de, her du aliyan li ser rêyên xurtkirina hevkariya di navbera hikûmeta Sûriyeyê û Komîseriya Bilind a Neteweyên Yekgirtî de guftûgo kirin.
Herwiha di hevdîtinê de rêyên xurtkirina hevkariya di navbera Komara Erebî ya Sûriyeyê û Komîseriya Bilind a Neteweyên Yekgirtî ya ji bo Karûbarên Penaberan (UNHCR) hatin gotûbêjkirin. Her wiha piştgirîkirina hewldanên girêdayî vegera xwebexş û ewle ya penaberan, û projeyên debara jiyanê û başbûna zû hatin nirxandin.