Navenda Nûçeyan- Fermandarîya Polîsê Bexdayê di daxuyanîyekê de ragihand, ku efserê Kurd ê Dezgeha Têkoşîna Li Dijî Madeyên Hişber, Rêbwar Fazil di “êrîşeke terorîstî” de hatîye kuştin.
Di daxuyanîyê de tê gotin, “Rêbwar Fazil di hewldaneke xedrê û tirsenokî de ji alîyê terorîstan ve hat şehîdkirin”.
Dezgeha Têkoşîna Li Dijî Madeyên Hişber a Iraqê dîyar kirîye, ku hejmarek çekdaran teqe li otomobîla wî efserê Kurd kirine û di encamê de çend gulle li wî ketine û canê xwe ji dest daye.
Heman dezgehê dîyar kirîye, ku Rêbwar Fazil li cem wan bi pileya Mulazim efser bûye û sersaxî ji malbata wî re xwestîye.