Navenda Nûçeyan - Navenda Medyayî ya Efrînê girtevîdoyek belav kir û ragihand, grûpên çekdaran mezargeha Şêx Hemîd li gundê Qestel Cindo yê li navçeya Şera ku cihekî pîroz ê Êzidîyan e kolane û têk dane.
Her li navçeya Şera jî, çalakvanên Efrînê belav kirin ku bi tankan di ser goristana şervanên YPG, YPJ, HSD a li gundê Metîna re derbas bûne û hemû gor şikandine û têk dane.
Pêştir jî çendîn caran rêxistin û navendên taybet ên belgekirina binpêkirinên grûpên çekdar li Efrînê belav kirin, ku cihên dîrokî, şûnwar û mezargehên olî yên pîroz ji alîyê artêşa Tirkîyê û grûpên çekdar ve hatin şikandin, kolandin û dizîn.
Li gor zanyarîyên Rêxistina Mafên Mirovan li Efrînê, zêdetir ji 42 cihên dîrokî, mezargeh û goristanan hatine wêrankirin û dizîn.
Çalakvanên Efrînê dibêjin, armanca artêşa artêşa Tirkîyê û grûpên çekdaran ji têdana cihên dîrokî û mezargehên pîroz ew e, nasnameya Kurdî ya Efrînê nehêlin.