Fermandarê Giştî yê Hêzên Sûriyeya Demokratîk (HSD) Mezlûm Ebdî piştegîriyê li daxwaza Wezîra Derve ya Siwêdê Ann Linde dike û radigihîne, divê Tirkiye hêzên xwe ji Sûriyê vekişîne û li ser çareseriyeke siyasî bixebite.
Wezîra Derve ya Siwêdê Ann Linde berî du rojan ligel Wezîrê Derve yê Tirkiyê Mevlut Çavuşoglu li Enqerê di konferaseke rojnemevanî de ji Tirkiyê daxwaz kir; hêzên xwe ji axa Sûriyê vekişîne û Enqere weke berpirsa dabeşkirina axa Sûriyê û çewisandina Kurdên li Sûriyê tohmetbar kir.
Fermandarê Giştî yê HSDê Mezlûm Ebdî li ser hejmara xwe ya tora civakî “Twitter” belav kir: “Em bi FM a Swêdî re (Wezîra Derve ya Siwêdê Ann Linde) li hev dikin. Derbarê şîroveyên li ser binpêkirinên Tirkiyê li bakur-rojhilatê Sûriyê de, em piştgiriya Daxwaza Swêdê dikin ku Tirkiye hêzên xwe ji Sûriyê vekişîne û li ser çareseriyeke siyasî bixebite ku rêzê li yekbûna axa Sûriyê û cihêrengiya siyasî bigir.”