Navenda Nûçeyan- Pêr (17 vê mehê) roja alaya Kurdistanê bû. Li Kerkûkê jî kurdan bi çalakîyên cur bi cur ew roj pîroz kirin.
Li gorî agahîyên BasNewsê, du xortên kurd ku alaya Kurdistanê li ser matorsîklêta xwe danîbûn, ji alîyê hêzên Iraqî ve hatin girtin lê piştî çend saetan dîsa hatin berdan.
Di lêpirsînê de ji wan xortan re gotibûn, li Kerkûkê bilindkirina alaya Kurdistanê qedexe ye û nabe hûn carek din vê yekê bikin!
Hêzên Iraqî nehîştibûn li zankoya Kerkûkê jî alaya Kurdistanê were bilindkirin û roja alayê were pîrozkirin.
Basnews