Serokê Amerîkayê Donald Trump nameyeke destxetî ji Serokê Herêma Kurdistanê Nêçîrvan Barzanî re şand û destxweşî lê kir.
Di nameyê de Donald Trump spasiya nameya Nêçîrvan Barzanî kir û tekezî li ser girîngiya hevkarî û pêwendiyên hevbeş ên di navbera Amerîka û Herêma Kurdistanê de kir.
Serokê Amerîkayê di dawiya nameya xwe de hêviya serkeftinê li Serokê Herêma Kurdistanê kir.
Nêçîrvan Barzanî li ser destbikarbûna Donald Trump peyamek belav kir û got:
"Em hevkariya xwe ya xurt a bi Amerîkayê re bilind dinirxînin û em hêvî dikin ku em bi hev re ji nêzîk ve kar bikin ji bo pêşxistina aştî, aramî û nirxên hevbeş."
Bi navê Herêma Kurdistana Îraqê, ez pîrozbahiyê li Serok Donald Trump dikim ku wekî 47emîn serokê Amerîkayê dest bi kar kir."
Roja 08-12-2024an, di dema vekirina katedrala Notre Dameyê ya li Parîsê de, Serokê Herêma Kurdistanê bi Donald Trump re hevdîtinek kiribû.
Trump demê serokê hilbijartî yê Amerîkayê bû.