Navenda Nûçeyan - Berdevkê koşka Serokatîya Rûsyayê Kremlînê, Dmitry Peskov bi vîrusa nû ya koronayê anku COVID-19 ket.
Berdevkê koşka Serokatîya Rûsyayê Kremlînê, Dmitry Peskov bi xwe di daxuyanîyekê de ji ajansa Ria Novosti ya Rûsî re gotîye, ku pişkinîna koronayê ya wî pozîtîv derketîye û ew niha li nexweşxaneyê ye.
Dmitry Peskov da zanîn ku niha li nexweşxaneyekê çareserî ji wê re te kirin.
Di demên bihorî de Serokwezîrê Rûsyayê, Mîxaîl Mişustîn Wezîrê Avedankirinê Vladimir Yakuşev û Wezîra Rewşenbîrîyê Olga Lubimova bi vîrusa COVID-19 ketibûn.
Herwiha pêştir hejmarek parlamenter û berpirsên din ên Rûsyayê jî tûşî koronayê bûbûn.
Hat zanîn ku ev zêdeyî mehekê ye peywendîya rûbirû ya Peskov û Serokê Rûsyayê Vladimir Putîn nebûye.