Dijeterora Kurdistanê radigehîne, “Droneke artêşa Tirkiyeyê erebeyeke çekdarên PKKê bombebaran kir, di encamê de sê kes hatin kuştin.”
Li dû zanyarên Dijeterora Kurdistanê, îro (În, 23.08.2024) seet 11:00 ê sibehê, droneke artêşa Tirkiyeyê erebeyeke çekdarên PKKê li nêzî gundê Tepereşê yê qezaya Seyidsadiqê li parêzgeha Silêmaniyê bombebaran kir, ku di encamê de berpirsekî PKKê û şofêrê wî û çekdarek hatin kuştin.
Pêştir çavkaniyeke ewlehiyê di wî warî de ragehandibû, “Dronekê li nêzî cadeya Seyidsadiq bo Helebceyê erebeyeke taybet bombebaran kir lê zirarên wê diyar nînin.”
Lê li dû zanyarên peyamnêrê K24ê ku di wê demê de eşkere kiribû, sê kes di wê erebeyê de bûn û du ji wan hatibûn kuştin û yek jî bi giranî birîndar bûbû.