Navenda Nûçeyan- Dezgeha Xêrxwazî ya Barzanî duhî heftemîn karwana alîkarîyên mirovî gihand Rojavayê Kurdistanê.
Ew alîkarî bi ser 1100 malbatên ku li kampa Waşokanî ya bajarê Hesekê de dimînin, hat belavkirin.
Alîkarîyên han, ku ji pêdivîyên zivistanê û eşyayên tenduristîyê pêk dihat, bi hevkarîya Hevya Sor ya Kurdî ya Rojavayê Kurdistanê bi ser koçberan de hat parvekirin.
Nûnerê Dezgeha Xêrxwazî ya Barzanî li Ewropa, Awat Mistefa daxwaz ji sazî û dezgehên xêrxwazî û mirovî yên bîyanî kir ku vegerin Rojavayê Kurdistanê û alîkarîya koçberan bikin.
Awat Mistefa her wiha got, eger ew nikarin vegerin bila alîkarîyên xwe bi rêka Dezgeha Xêrxwazî ya Barzanî bigihînin koçberan.