Navenda Nûçeyan- Di çarçoveya bernameya bibîranîna Serokê Baroya Amedê yê berê Tahir Elçî ku hatibû kuştin de li Xana Hesen Paşa pêşangehek bi navê "Pêşangeha Wêneyan a Aştî û Azadîyê" li dar biketa. Lê Midûrîyeta Weqfên Herêmê ya Amedê ku girêdayî Wezareta Çand û Tûrîzmê ya Tirkîyeyê destûr neda vekirina pêşangehê. Weqfê sedem wekî "Mişterî pir in" nîşan da û destûr neda pêşangehê. Pêşangeh dê roja 29'ê mehê veba, lê bersiva neyînî dan serîlêdana fermî ya Baroya Amedê.
Weqfa Tahir Elçî û Baroya Amedê ji bo sê rojan çalakîyên bibîranîna Tahir Elçî li dar dixe. Di vê çarçoveyê 28'ê mehê çûn ser gora wî. Êvara 29'ê mehê jî fîlmê derhêner Serhat Karaaslan ê bi navê "Gorulmuştur" hat nîşandayîn. Jina Elçî Turkan Elçî, parêzerên Baroya Amedê û gelek kesên din li fîlm temaşe kirin.
30'ê mehê dê saet 10'an de panelek bi navê "Tevgera Gel a Kurd û Parêzer Tahir Elçî" li dar bikeve.
Çavkanî: Dîyarname