Navenda Nûçeyan- Li gor zanyarîyên BasNewsê, Hêro Îbrahîm ji ber rewşa wê ya tenduristîyê xirabe di kongreya çarem de dest ji wê peywira xwe berdide û hemû rêveberên din naha kar dikin careke din ser peywira xwe bimînin.
Cîgirê berpirsê malbenda Germîyanê Mela Rehîm ji BasNewsê re ragehand: ‘’Hewldaneke cidî heye bo xelkê nû bipêş bikevin.’’ Û got: ‘’Hêro xan wek her mirovekî nexwaş dikeve, hêvîdarim tenduristîya wê baş bibe û beşdarî kongreya YNKê bike. Lê heta naha bi fermî ti biryarek nedaye, ka beşdarî kongreye dibe yan na.’’
Endamê rêveberîyê û berpirsê malbenda YNKê yê Bexdayê Pola Sîrwan Talabanî jî ji basnewsê re got: ‘’Kongre rawestgeheke bo nûbunê. YNK ji ber wê kongreyê dike ku guhertinê di peykerê partîyê de bike. Lê pêwîste guhertin bi awayekî be ku li gel demê bigunce, ku ciwan û sîmayên nû pêşkevin.’’
Çavkanî: Basnews