Navenda Nûçeyan- Sîyasetmedarê girtî yê kurd Selahedîn Demîrtaş, bersiva pirsên rojnameya Cumhurîyet ya Tirkîyê da.
Demîrtaş behsa avabûna partîyên nû kir û ragihand, tekane xeta fikrî ya ku bibe sebeba rizgarbûna civakê, xeta çep-demokratîk e.
Selahedîn Demîrtaş da xuyakirin ku piştî hikûmeta AKPê divê hikûmetek hevpeymanî û veguhêz were avakirin û got, di nav wê hikûmetê de divê HDP û alîyên çep jî hebin.
Bi gotina Demîrtaş, erka wê hikûmetê sererastkirina xirabîyên hikûmeta AKPê ye û temenê wê jî dê du-sê sal bin.
Selahedîn Demîrtaş rexne li serokê partîya nû ya Gelecek, Ahmet Davûtoglu jî kir û ragihand, Davûtoglu nizane guhdar bike tenê diaxive. Divê destpêkê bikaribe guhdar bike û xeta û xeletîyên xwe bibîne û qebûl bike.