Navenda Nûçeyan- Endamê Parlamentoya Kurdistanê yê fraksîyona PDKê Çîya Hemîd Şerîf ji BasNewsê re got: ‘’Divê heta berî civîna Parlamentoya Kurdistanê ya roja 13.11.2019ê fraksîyon li ser navên cîgir, biryarder û endamên 4 lijneyên nû bigehin rêkeftinê û navan radestî desteya serokatîya Parlamentoya Kurdistanê bikin.’’
Herwaha got: ‘’Roja Çarşemê Parlamentoya Kurdistanê dicive û yek ji bernameyên kar jî bawerî dayîna bi serok, cîgir, biryarder û endamên 4 lijneyên nû ne û navê wan lijneyane jî nû ye û li gor rêkeftina fraksîyonan, serokên wan hatine zelal kirin û ew lijne jî navên wan waha ye:
- Lijneya navxwe, serokê wê ji Tevgera Gorran e.
- Lijneya karûbarên parlamentoyê, serokê wê ji Yekgirtûya Îslamîya Kurdistanê ye.
- Lijneya berhemanînê, serokê wê ji YNKê ye.
- Lijneya karûbarên jinan, serokê wê ji PDKê ye.
Li gor peyrewa navxwe ya parlamentoyê ku hat nûjen kirin û sererast kirin, lijneyên daîmî hejmara wan 15 lijne bûn, lê hate zêde kirin û bûn 19 lijneyên daîmî.
Çavkanî: Basnews