Navenda Nûçeyan - Rewangeha Sûrî ya Mafên Mirovan belav kir, çekdarên DAIŞê li beyabana Dêrazorê li nêzîkî bajarokê Suxnê 7 çekdarên mîlîyayên ser bi rêjîma Sûrîyê ve kuştin.
Ev di demekê de ye, duhî çekdarên DAIŞê rîya Dêrazor û Şamê qut kiribûn û efserekî artêşa Sûrîyê, 2 serbaz û jinekê kuştibûn.
Ji dawîya meha Adara 2020an ve, li navçeyên di navbera parêzgeha Dêrazorê û Humsê de, tevgera çekdarên DAIŞê zêde bûye û çendîn car in şer û pevçûn di navbera hêzên rêjîma Sûrîyê û çekdarên DAIŞê derdikeve.