Navenda Nûçeyan - Hakim Aydin ku sala 2008ê li Zanînegeha Dicleyê ya Amedê xwendevan bû di xwepêşandanekê de daxwaza xwendina bi zimanê dayîkê kir, lê hat girtin û bi tohmeta propagandekirina bo terorê 10 mehan zîndanîkirinê jê re hate dayîn.
Hakim Aydin sala 2009ê li Dadgeha Mafên Mirov a Ewropayê doz li dijî Tirkîyê vekir, piştî 11 salan di roja 26 Gulanê de biryar da û ragihand Hikûmeta Tirkîyê neheqî kirîye, xwepêşandan bo daxwazkirina xwendina bi zimanê dayîkê ne tawan e, û divê Tirkîyê 7 hezar euroyan bide Hakan Aydin.
Dadgehê herwiha dîyar kir ku Tirkîyê madeya 11ê û xala yekem ji madeya 5 ya rêkeftinnameya Mafên Mirovan a Ewropayê binpê kirîye.
Rudaw