Li navçeya Gurcu ya Bûrsayê komek nijadperest êrîşî ciwanê Sûrîyeyê yê 17 salî Hemze Acan kirin û bi lincê kuştin. Dema koma nijadperest êrîşî jinek Sûrîyeyî kirin, Hemze jî xwest jina Sûrîyeyî biparêze û ji destê êrîşkaran rizgar bike. Li ser vê yekê komê êrîşî Hemze jî kirin û Hemze bi lîncê bi giranî birîndar kirin. Hat dîyar kirin ku kesên nijadperest ên li bazarê bi keviran serê Hemze kişandin û bi giranî birîndar kirin. Dema Hemze rakirin nexweşxaneyê li nexweşxaneyê jîyana xwe ji dest da.
Hemze 8 sal berê li gel malbata xwe ji Idlibê ji şer revîya bû hatibû Tirkîyeyê. Hemze li Mudûrîyeta Îdarî ya Koçberên Bajar a Walîtîya Bûrsayê xwedî statuya penaberan bû.
MA