Navenda Nûçeyan - Li gor Rêxistina Mafê Mirovan li Efrînê, roja 10 gulanê çekdarên grûpa navborî avêtine ser gundê Mamila û 7 welatî girtine.
Her yek ji Kîmaho Enwer Kurdî, Dozyar Enwer Kurdî, Mihemed Osman, Demxwaş Kolîko, Ehmed Mihemed, Ehmed Mistefa û Hesen Cemîl Hesen ji bo cihekî ne dîyar hatine birin.
Herwiha roja 30yê Nîsanê, welatîyê Kurd Enwer Osman Hemkolîno ê 40 salî, li ser destê çekdarên heman grûpê hatîye revandin.
Rêxistina Mafê Mirovan li Efrînê dîyar kir ku çekdarên grûpa Lîwaya Mihemed el-Fatih daxwaz 400-500 dolar li beramber berdana her kesekî ji wan girtîyan dikin.
Li alîyê din li Efrînê di nava mehekê de 22 kes hatine revandin.
Berdevkê Komeleya Mafê Mirovan a Efrînê Îbrahîm Şêxo aşkere kir ku li Efrînê di nava mehekê de 22 kes ji alîyên komên çekdar ên girêdayî Tirkîyeyê ve hatine revandin ku 2 ji wan jin in.
Çekdar ji malbatên kesên ku revandine daxwaza pereyan dikin. Li gor daxuyanîya Şêxo Îbrahîm li Cindirisê jî çekdaran bingehek ava kirine û ji wê bingehê bo Lîbyayê çekdar tên şandin û komên ku naxwazin biçin Lîbyayê tên jinavbirin.
Herwiha zarokekî bi navê Ebdo Şêxo bi zorê bo Lîbyayê hatîye şandin.