“Manga zere pê ye,
Şêşims dîwanbegê xwedê ye.
Wê kim, ro hilat e,
Mizgîna welat e”
(Jandila Şêşims)
Weke tê zanîn ROJ, weke olên din ên Arîanîk ên wekî Mîtraîzm, Zerdeştî, Yaresanî pîroz e, lewre bi saya rojê sirûşt xwe nû dike. Piştî meha Berfanbarê jî weke tê zanîn êdî roj dirêj dibin û mizginiya biharê tînin. Bi vê hilkeftê, Ezdî jî rojê, bi Cejna Şêşims pêşwazî dikin.
Serokê Partiya Azadiya Kurdistanê (PAK) Birêz Mustafa Özçelik, bi hilkefta Cejna Şêşims ya Êzdiyan peyamek weşand. Di payama xwe de Özçelik got:
“Cejna Şêşimsê li tevahiya xuşk û birayên me yên Kurdên Êzdî pîroz dikim. Hêviya min ev e ku vê cejna pîroz di welatekî serbixwe û azad de, ji bo gelê me yê Êzdî û ji bo hemû gelê Kurdistanê bibe mizgîniya dahatûyeke aramtir û azadtir.”