Navenda Nûçeyan- Malpera Hengaw ragihandîye, duhî li gundê Tewarmela yê bajarê Sine xortekî 30 salî bi navê Bextîyar Melayî xwe xeniqand.
Li gorî agahîyan, wî xortî ji ber bêkarî û belengazîyê xwe kuştîye.
Roja sêşemîyê (3 vê mehê) jî li nahîya Kotolê ya bajarê Xoy li eyaleta Ormîyê, xortekî 23 salî bi navê Sefer Mihemedî ji ber bêkarî û belengazîyê xwe kuştibû.
Heman rojê li bajarê Serdeştê jî xortekî kurd bi navê Dawûd Zahirî, ji ber sebebek nedîyar, derman xwaribû û xwe kuştibû.
Roja 2 vê mehê jî li Kirmaşanê xortekî kurd bi navê Emîr Mihemedî ji ber bêkarî û belengazîyê xwe kuştibû.
Tê gotin ku ew xortê kurd, serbaz bûye.
Çavkanî: Basnews