Navenda Nûçeyan- Di civînê de cîgirê wezîrê derve yê Rûsyayê amaje bi wê yekê kir ku; ‘’Pêwîste hemû hêzên kurd li Sûrîyê yekrêz û hemaheng bin û divê çareserîyekî pêwîst bo rewşa naha ya Sûrîyê bê dîtin.’’
Herwaha got, em piştevanîyê li mafê kurdan li Sûrîyê dikin û em gefan li ti alîyekî naxwon û pêwîste hêzên kurd ên Sûrîyê li gel alîyên Sûrîyê bicivin û guftûgo bikin.
Serokê nûnertîya ENKSê li herêma Kurdistanê Newaf Reşîd ji BasNewsê re got: ‘’Îro li balyozxaneya Rûsyayê ya li Hewlêrê şandeyekî ENKSê bi nûnertîya komîteya peyvendîyên derve Kameran Haco, Îbrahîm Biro û Dr. Îsmaîl Hesaf, li gel nûnerê taybet ê Rûsyayê û cîgirê wezîrê derve Mikhail Bogdanov li ser pirsa Sûrîyê û xitimandina li Sûrîyê û navçeyê û mafên kurdan di pêşeroja Sûrîyê de gotûbêj kir.’’
Herwaha got: ‘’Li ser daxwaza Rûsyayê daxwaz hatîye kirin ew civîn bê kirin û pêşwexte paketa taybet me li ser çareserîya pirsa kurd li Sûrîyê heye, lê em bendê ne ka Rûsya çi projeyek wê heye.’’ Û got: ‘’Eger pirsa leşkerî hate holê, behsa vegera Pêşmergeyên Roj di bernameyê de heye.’’
Basnews