Wezîrê Karûbarên Derve Antony Blinken û Wezîrê Berevaniyê Lloyd Austin, cara pêşî bo karên dewletê, diherin derveyî welêt, hefteya pêş serdana Asyayê dikin.
Di serdana Asyayê de, Blinken û Lloyd dê herin Japonya û Koreya Başûr ku her du jî li herêmê hevalbendên Amerîka ne.
Antony Blinken ji ser Twitterê diyar kir, ew sebir nake ku bi hevalbendên xwe yên li Japonya û Koreya Başûr re bicive.
Blinken destnîşan kir, dê Wezîrê Berevaniyê Lloyd Austin jî di serdanê de bi wî re be û got, ew dê bo aştî, aramî û ewlekariya cîhanê bixebitin.
Herwiha çaverê ye ku Blinken bi karsazên Japonya re bicive û bi rojnamevanên wî welatî re jî bi awayekî onlayn hevdîtinê çêke.
Blinken dê bi rojnamevanên Koreya Başûr re jî civîneke onlayn çêke û dê ji wan re qala girîngiya tifaqa her Washington û Seulê bike.