Dilêr Ebdulrehman
Rêveberîya giştî ya şaredarîya Germîyanê ragehand, bazara qeyserî ya Kifrîyê ku herifîye dê bê nûjen kirin.
Rêveberê giştî yê şaredarîya Germîyanê Berzan Kerîm ji BasNewsê re ragehand: ‘’Duh 10.12.2019ê li gel cîgirê rêveberîya giştî ya şaredarîya Germîyanê û serokê şaredarîya Kifrî bi armanca çareser kirina pirsgirêkên bajarê Kifrîyê û qeyserîya kevin bi taybet serdana wezîrê şaredarîyê û geştûguzar a hikûmeta herêma Kurdistanê Sasan Ewnî kir.’’
Herwaha got: ‘’Wezîrê şaredarîyê û geştûguzarê em erkdar kirin ku di demekî herî zûde lijneyek taybet bê ava kirin, bo nûjen kirina bazara qeyserî û soz da bo hemû alîkarîyekî û piştevanîyê bo çareser kirina wan pirsgirêkan.’’
Roja 08.12.2019ê ji ber barîna barana zêde beşek piranîya derîyê Bexdadî yê bazara qeyserî ya kevin a Kifrîyê hilweşîya.
Bazara qeyserîya Kifrî yek ji qeyserîyên herî mezin û giring ê başûrê Kurdistanê ye. dîroka wê heta bo sedsala 19.mîn diçe, hejmarek mezin a dukanan hebûye û herwaha gelek xan ên ‘’Xan a xelûz, Xan a Mela Ebas a bi navê Xan a Genim tê nasîn û Xan a Muhsin Axa û hwd’’
Çavkanî: Basnews